Орос, Украины Гадаад хэргийн сайд нар Туркт уулзана

2022-03-09 653 0
ОХУ-ын Гадаад хэргийн сайд Сергей Лавров, Украины Гадаад хэргийн сайд Дмитрий Кулеба нар Туркт уулзана гэдгийг Оросын Гадаад хэргийн яам баталжээ.
Хоёрдугаар сарын 24-нд Орос Украинд цэргийн ажиллагаа эхлүүлснээс хойш талууд анх удаагаа уулзах гэж буй нь энэ юм.
С.Лавров олон улсын дипломатчдын форумд оролцохоор Анталья хотыг зорих бөгөөд тэндээ Д.Кулебатай “холбоо тогтооно” гэж Гадаад хэргийн яамны хэвлэлийн төлөөлөгч Мария Захарова мэдээлснийг ОХУ-ын төрийн мэдлийн “RIA Novosti” агентлаг уламжилжээ.
Энэхүү уулзалтыг хийх саналыг Д.Кулеба, С.Лавров нартай гурван талын уулзалт хийх санал гаргаж байсан Туркийн Гадаад хэргийн сайд Мевлют Чавушоглу тавьсан байна.
Одоогийн байдлаар уг уулзалтыг гуравдугаар сарын 10-нд болно гэж мэдээлж байгаа бөгөөд дипломатчдын форум гуравдугаар сарын 11-нд болно.
Орос, Украины энхийн хэлэлцээ одоогоор тодорхой тохиролцоонд хүрээгүй байгаа юм.
Э.Хулан
Эх сурвалж: Монцамэ агентлаг
LIKE дарж нэгдээрэй !!!

Холбоотой мэдээ

ОХУ бензин, дизель түлшний экспортыг 2027 оны нэгдүгээр сар хүртэл хориглох шийдвэр гаргалаа

ОХУ бензин, дизель түлшний экспортыг 2027 он хүртэл хориглож, дотоодын шатахууны хямралаа тогтворжуу

2026-07-31

БНХАУ-ын дарга Ши Жиньпиний 2026 оны шинэ оны мэндчилгээ

БНХАУ-ын дарга Ши Жиньпин 31-ний орой Хятадын Төв Радио Телевиз болон интернетээр 2026 оны шинэ жили

2025-12-31

Ким Жон Ун хуягласан галт тэрэгтэй Бээжин хотод очно

БНАСАУ-ын удирдагч Ким Жон Ун Бээжин хотноо болох Дэлхийн хоёрдугаар дайнд ялсны 80 жилийн ойн арга

2025-09-02