Хот хоорондын тээвэр эрхлэгчдийн холбооноос өнөөдөр зорчигч тээврийн өнөөгийн нөхцөл байдал болон Авто тээврийн Үндэсний төвийн удирдлагуудтай холбоотой асуудлаар мэдээлэл хийлээ. Тэд хэлэхдээ,
“Ковид 19 өвчний улмаас тээвэрлэгч, бизнес эрхлэгчдэд санхүүгийн хүнд бэрхшээл учирсан . 2020 оны хоёрдугаар сараас эхлэн Хот хоорондын зорчиг тээврийн үйл ажиллагаа УОК-ын шийдвэрээр хязгаарласан. Тодруулбал 200 гаруй хоног “0” зогсолт хийж байна. Жилд хот хооронд 2,3-2,6 сая хүнийг тээвэрлэж байсан.
Харин 2020 онд 1 сая 300 мянган хүнийг тээвэрлэсэн. Санхүүгийн орлого 55-70 хувиар буурсан. Иймд нийт жолооч, аж ахуй нэгж, тээвэрлэгчдийн цалин ижил хэмжээгээр буурсан. Хот хоорондын тээвэр улсаас нөхөн төлбөр, санхүүгийн дэмжлэггүйгээр өнөөдрийг хүрсэн. Хориг нээгдэж ажлаа хийх гэхээр төрийн албан хаагчид авлига нэхээд байна” гэлээ.
14 cэтгэгдэлтэй