Гурван шатны шүүх гэм буруутайг нь тогтоосон УИХ-ын гишүүн асан Г.Солтаныг Монгол Улсын Ерөнхийлөгчийн уучлалаар суллаж, эдлээгүй үлдсэн хорих ялаас бүрэн чөлөөлжээ.
УИХ-ын гишүүн асан Г.Солтаныг 2020 оны долдугаар сард УИХ-ын гишүүнээр ажиллаж байхдаа эрх мэдэл, албан тушаалаа ашиглан ЖДҮХС-гаас өөрийн “Монгол шаазан” ХХК-д 950 сая төгрөгийн нэн хөнгөлөлттэй зээл авч өөрийн гэр бүлдээ давуу бий болгосон үндэслэлээр буруутган, гурван жилийн хорих ял оноосон юм.
Улмаар гэм буруутайг нь гурван шатны шүүх тогтоосон УИХ-ын гишүүн асан Г.Солтаныг ийн өчигдөр 22.00 цагийн үед ШШГЕГ-ын харьяа хорих 429 дүгээр ангиас сулласан байна. Тэрбээр ЖДҮХС-гаас авсан зээл, хүү, мөнгө хүүлж олсон орлого зэргээ төлж улсыг хохиролгүй болгосон, эрүүл мэндийн шалтгаантай гэж үзэн суллажээ.
Нэмж мэдээллэхэд, Монгол Улсын Ерөнхийлөгч Х.Баттулга
-гуравдугаар сарын 8-ны Олон улсын эмэгтэйчүүдийн эрхийг хамгаалах өдрийг тохиолдуулан ял эдэлж байсан нярай болон олон хүүхэдтэй анх удаа хөнгөн гэмт хэрэг үйлдсэн 21 ээжид,
-гуравдугаар сарын 22-ны Наурызын баярыг тохиолдуулан зурагт, зуух, гар утас хулгайлсан гэх мэт анх удаа хөнгөн гэмт хэрэг үйлдсэн нэр бүхий казах иргэдэд уучлал үзүүлсэн байна.
LIKE дарж нэгдээрэй !!!
1 сэтгэгдэлтэй