УИХ-ын чуулганы хуралдаанаар Ерөнхий сайд Л.Оюун-Эрдэнэд итгэл хүлээлгэх асуудлыг хэлэлцэж, хуралдаанд оролцсон гишүүдийн олонх нь итгэл үзүүлэхээс татгалзлаа. Хуралдаанд 119 гишүүн, нууц санал хураалтад 82 гишүүн оролцсоноос 38 нь итгэл үзүүлэхээс татгалзаж, 44 нь дэмжсэн буюу итгэл үзүүлэхэд шаардлагатай 64 саналын босгод хүрээгүй тул Ерөнхий сайдыг огцорсонд тооцлоо.
Түүнчлэн чуулганы хуралдаанд Ерөнхийлөгч У.Хүрэлсүх оролцож, “Ард түмний тавьж байгаа шаардлагад парламент зохих хариуг өгөх ёстой… Өчүүхэн албан тушаалд битгий шигд. Удирдагч хүн ухрахдаа ухарч, урагшлахдаа урагшилдаг байх ёстой. Алдаа гаргасан бол ард түмнээсээ уучлал гуйж, үүрч чаддаг байх хэрэгтэй” хэмээн байр сууриа илэрхийлэв.
Ийнхүү МАН, АН, ХҮН намын хамтарсан Засгийн газар огцрохоор болж байна.
0 cэтгэгдэлтэй