Нүүрсний хулгайн асуудлыг хянан шалгах УИХ-ын Түр хорооны дарга Б.Энхбаяр сонсголын үйл ажиллагаанд санаатайгаар саад учруулах ажиллагаа явагдсаар байгаа бөгөөд үүнд тусгай албанд ажиллаж байсан хүмүүс ч оролцсон гэдгийг мэдэгдэв.
Тэрбээр, УИХ бол ард түмний төлөөллийн дээд байгууллага. УИХ-ын гишүүн бол ард түмэндээ үнэнч байхаа Үндсэн хуульд тангарагласан ард түмний төлөөлөгч. УИХ-ын Түр хороо бол гагцхүү нотлох баримтын хүрээнд нүүрсний хулгайг илчлэх, ард түмэнд юу болсон талаарх мэдээллийг өгөх үндсэн чиг үүрэгтэй. Энэ үүргээ хэрэгжүүлнэ. Авлигатай хийх тэмцэлд улс төрийн манлайлал, эр зориг, тууштай байдал нэн чухал.
Улс төрийн нам бол хулгайг хаацайлдаг нуувч биш. Нэг хүн, нэг нам ч Монгол Улс, Монголын ард түмний нийтлэг эрх ашиг, үнэт зүйлийн өмнө жижигдэнэ. Тиймээс сонсголыг бүү намчирхаж, улс төржүүл. Тэгэхийг л нүүрсний хулгайчид хүснэ. Бүү тийм ов зальд автаарай” гэжээ.
0 cэтгэгдэлтэй