ОХУ-ын Ерөнхийлөгч Владимир Путин “тусгай цэргийн ажиллагаа” эхлүүлэх тушаалыг хоёрдугаар сарын 24-ний өдөр өгч, Оросын арми хөрш оронруугаа халдсанаас хойш 75 өдөр өнгөрч байна. Владимир Путин анх энэ ажиллагаагаа эхлүүлэхдээ гагцхүү цэргийн дэд бүтцэд цохилт өгнө, энгийн иргэд айх хэрэггүй гэж мэдэгдэж байлаа. Гэсэн ч дайны эхний өдрөөс л хот суурин сүйрч, энгийн хүмүүс амиа алдаж эхэлсэн юм.
Орос, Украины дайны улмаас 5,5 сая гаруй хүн Украиныг орхин дүрвэж, харин ард үлдсэн олон хүүхэд амиа алдсан байна. Тодруулбал, 226 хүүхэд дайны золиос болж, 415 хүүхэд шархадсан гэж Украины Ерөнхий прокурорын газар мэдээлжээ. Энэ нь урьдчилсан байдлаар гаргасан тоон мэдээлэл юм.
Харин НҮБ-ын мэдээлснээр, Украин руу Орос түрэмгийлснээс хойш 3280 энгийн иргэн амиа алдаж, 3451 хүн шархадсаны 231 нь 18 нас хүртэлх хүүхдүүд байгаа аж.
Г.Бямбасүрэн
0 cэтгэгдэлтэй