Өмнөговь аймгийн Цогтцэций сумын нутаг дэвсгэрээс олборлолт хийдэг “Энержи Рерсурс” ХХК-ийн томоохон албан тушаалтанууд тус сумын ИТХ-ын суудлыг дүүргэжээ. Тухайлбал Цогтцэций сумын ИТХ-д МАН олонхи болсон буюу ихэнх төлөөлөгчид нь гадна дотноос очсон “Энержи Рерсурс” ХХК-ийн удирдлагууд байдаг аж.
Тус сумын ИТХ-д уурхайн компанийнх нь ажилчид олонхи суудал эзэлсэн нь “MCS” группын Ерөнхийлөгч Ж.Оджаргалд ашигтай гэх.
Түүнчлэн зөвхөн сумын ИТХ-ын төлөөлөгчдийн асуудал яригдаад зогсохгүй “Энержи Рерсурс” ХХК-ийн ажилчид нь ч сонгууль дөхмөгц царцааны нүүдэл хийн армиараа хөдөлгөөнд орж МАН-д саналаа өгдөг бичигдээгүй хуультай гэдэг. Үүнийг тус компаний үүдний харуулаас эхлээд үгүйсгэх ажилчид байхгүй болов уу.
Цогтцэций сумын ИТХ-ын төлөөлөгч
1.Л.Өлзийнэмэх- “Энержи ресурс” ХХК-ийн хүний нөөцийн ажилтан. Засаг даргын үүрэг гүйцэтгэгч.
2.Ч.Энхбат- Баруун нарангийн уурхайн захирал
3. М.Ганчимэг -“Энержи ресурс” ХХК-ийн орон нутгийн харилцааны менежер, ИТХ дахь МАН-ын бүлгийн дарга.
4. Г. Сундуй -“Энержи ресурс” ХХК- ийн их эмч
5. Б.Галсанбат- “Энержи ресурс” ХХК- ийн Мэдээлэл технологийн Ерөнхий инженер
6. М.Мөнгөнхонх – “Энержи ресурс” ХХК- ийн Байгаль орчны ажилтан
7. Б.Эрдэнэбаясгалан- “Энержи ресурс” ХХК- ийн Засвар төлөвлөлтийн газрын ажилтан
8. Б.Зоригт- “Энержи ресурс” ХХК- ийн Дулааны хангамжийн инженер
9. Ж.Өлзийбаяр – “Энержи ресурс” ХХК- ийн Логистикийн ахлах мастер
10. Ц.Доржсүрэн- “Энержи ресурс” ХХК- ийн Орон нутгийн төлөөлөгч. ИТХ-ын дарга
11. н.Алиманцэцэг- “Энержи ресурс” ХХК. Сумын төлөөлөгч
12. н.Баярбилэг – “Энержи ресурс” ХХК- ийн Дэд захирал
Эдгээр төлөөлөгчид хүлээсэн үүрэг, оноогдсон ажлаа хариуцлагатай хийдэг үү гэвэл үгүй аж. Тодруулбал, саяхан “Энержи ресурс” ХХК-ийн хүний нөөцийн ажилтан, сумын засаг даргын орлогч Л.Өлзийнэмэх, ИТХ-ын дарга Ц.Доржсүрэн нар нь хөл хорионы үеэр ажлын байрандаа буюу ЗДТГ-ын байрандаа архидан согтуурч, баар нээлгэн архидсан байгаа юм. Үүний улмаас Засаг даргын орлогч Л.Өлзийнэмэх нь ажлаасаа халагджээ. Ийнхүү Цогтцэций ИТХ-ын 27 төлөөлөгчийн тал нь “Энержи ресурс” компаний ажилчид, удирдлагууд байна. Засаглалын хямралд оруулж эзэнгүй болсон мэтээр байлгах нь MCS-д ашигтай байх. Монголын том бизнесмэн Ж.Оджаргал Өмнөговийн МАН-тай нийлж Цогтцэций сумаар тоглож суугаа бололтой.
3 cэтгэгдэлтэй