Монгол Улсын өсөх идэр начин Э.Энхбат Олимпийн аварга Н.Түвшинбаяр найздаа зодуулснаас болж БНСУ-д эрчимт эмчилгээнд хамрагдаад гурван сарын нүүр үзэж байна. Одоогийн байдлаар түүний эмчилгээнд 300 гаруй сая төгрөг зарцуулаад байгаа бөгөөд цаашид нэн шаардлагатай эмчилгээ хийхэд хөрөнгө мөнгө дутмаг байгааг Э.Энхбат начны эхнэр Б.Нандинцэцэг мэдэгдсэн.
Б.Нандинцэцэг цахим хуудсаараа дамжуулан “Миний гурван хүүхэд аавын хайраар дутаж, өдөр бүр аавыгаа ухаан орохыг, хөл дээрээ босохыг чин сэтгэлээсээ уйлж гуйн бяцхан биедээ баймгүй их тэвчээр гаргаж байна. Нулимсыг минь арчиж аргадах үрсээ хараад би шүд зууж аль болох л сайхан зүйл бодож өдөр хоногийн өнгөрөөж байна.Теннис тоглож зугаацаж явахаар ханийн минь эмчилгээний төлбөрийг цаг тухайд нь төлнө үү. Яаж байна гэж санаа зовохгүй юм гэхэд төлбөр мөнгийг нь төл” мэдэгдсэн юм. Харин Э.Энхбат начны өмгөөлөгч өмгөөлөгч Л.Данзанноров хэлэхдээ, “Н.Түвшинбаярын хувьд нийт эмчилгээний зардлын 20 орчим хувийг төлөөд дахин холбоо бариагүй” гэв.
LIKE дарж нэгдээрэй !!!
0 cэтгэгдэлтэй