С.Эрдэнэ: Миний улс төрийн замнал, карьер дуусаагүй

2021-06-11 802 0

Монгол улсын Ерөнхийлөгчийн сонгууль болж өнгөрлөө.  МАН-аас нэр дэвшигч У.Хүрэлсүх үнэмлэхүй ялалт байгуулж, АН-аас нэр дэвшигч С.Эрдэнэ  хамгийн бага санал авсан билээ.  Тэгвэл өнөөдөр АН-аас нэр дэвшсэн С.Эрдэнэ сонгуулийн явцын талаар мэдээлэл хийлээ.

С.Эрдэнэ: “Сонгуулийн үеэр олон булхай гарсан байж болзошгүй. Мөнгө тараасан гэдгийг та бүхэн мэднэ. Хууль хүчний байгууллагуудыг албадан ажиллуулсан гэх нотлох баримт олон ирсэн. Нэгэнт болоод өнгөрсөн юм чинь гэж үүнийг орхигдуулж болохгүй.

Олон жил улс төрийн тогоонд хамт явсан хүний хувьд Ерөнхийлөгч У.Хүрэлсүхэд хатуу үг хэлж явсан удаа бий. Гэхдээ би СЕХ-ны дүн мэдээг хүлээн зөвшөөрч байгаа. Тиймээс дараагийн Ерөнхийлөгчийн ажилд амжилт хүсье. Надад саналаа өгсөн олон мянган иргэдэдээ маш их баярлалаа. Би эцсийн мөч хүртлээ Монголын ардчиллын төлөө зүтгэнэ. Харин миний улс төрийн карьерыг дуусгахыг хүсдэг хэсэг бүлэг хүмүүст хандаж хэлэхэд та нарыг мөд баярлуулахгүй. Миний улс төрийн замнал, карьер дуусаагүй.

АН-ыг хагаралтай, хуваагдсан мэтээр ойлгуулдаг. Улсын дээд шүүхийн бүх гишүүдийн бүрэлдэхүүнтэй хуралдаж, улс төрийн намын даргын асуудлыг шийддэг хуультай болсон. Иймд хуралдааны тов хэзээ гарахыг би мэдэхгүй байна. АН-ын шинэ залуу даргаар М.Тулгатыг гишүүд сонгосон. Шинэ удирдлагууд ажлаа төлөвлөж байгаа болов уу. АН босоо яваагүй. Өмнө нь унаж явсан түүх бий, тэгсэн хэдий ч улам хүчирхэгжиж, ухааржиж бос ч ирдэг билээ. Залуу үе эрч хүчтэй, чадварлаг ажиллана гэж найдаж байна. Би үзэл санаа, үнэт зүйлийнхээ төлөө зогссон. Монгол Улсын зургаа дахь Ерөнхийлөгчөөр сонгогдсон У.Хүрэлсүхэд нэг зүйл захья. Монголын ард түмэнд амлаж хэлсэн үг амлалтаа бүү мартаарай. Төрийн тэргүүний хувьд үүрэг хариуцлагатай ажиллаарай гэж захья. Та Монголд парламентын засаглалыг дэмжих, ардчилал шударга ёс, эрх эрх чөлөөг улам төгөлдөржүүлэх асуудлыг амласан. Энэ үзэл баримтлалдаа үнэнч байгаарай” гэлээ.

LIKE дарж нэгдээрэй !!!

Холбоотой мэдээ

Н.Наранбаатар: 30.000 хүн ам, 230.000 орчим мал аж ахуй усаар хангагдаж, үр өгөөжтэй байх боломж бүрдлээ

14 мега төслийн хүрээнд “Цагаан бургастай-Онги” усан цогцолбор, Улаан нуурыг сэргээх экологийн төсли

2025-05-06

Р.Сэддорж: Бид цөлжилтийн эсрэг сөрөх түүхэн алхмаа эхлүүллээ

Монгол улсын Засгийн газрын 2024-2028 оны үйл ажиллагааны хөтөлбөрт тусгагдсан 14 мега төслийн хүрээ

2025-05-06

Ж.Чинбүрэн: Т.Мөнхсайхан даатгалын сангийн 9,6 тэрбум төгрөгөөр гадны 5 үйлдвэртэй эмийн гэрээ хийсэн

УИХ-ын гишүүн Ж.Чинбүрэн, Эрүүл мэндийн сайд Т.Мөнхсайхан нарын хоорондын зөрчил сүүлийн хэдэн өдөр

2025-05-06