Монголын Үндэсний Олимпын хорооны Гүйцэтгэх зөвлөлийн шийдвэрээр МҮОХ–ны ерөнхийлөгч Н.Түвшинбаярыг үүрэгт ажлаас нь түдгэлзүүлэхээр болсон. Тэгвэл тэрээр тус холбооны тамгыг авч зугтсан талаар МҮОХ-ны Ерөнхийлөгчийн үүргийг түр орлон гүйцэтгэгч Ч.Наранбаатар мэдээлэл өгсөн юм. Тэрбээр “Н.Түвшинбаяр 461-р ангид хоригдож байхдаа ажлаа өгнө, тамга хүлээлгэж өгнө гэж хэлсэн. Гэтэл хорихоос гарангуутаа тамга аваад зугтчихсан. МҮОХ-ны тамгыг өгөхгүй бол хууль, цагдаагийн байгууллагаар тус тамгыг хүчингүй болгуулж, ойрын үед үйл ажиллагаагаа сэргээн явуулна. Тамгагүй учир үйл ажиллагаа явуулахад хүнд нөхцөл байдал үүсээд байна. Тамгаа буцааж өг гэсэн боловч өнөөдрийг хүртэл хариу өгөөгүй байна” гэсэн юм.
Тавдугаар сарын 27-нд МҮОХ-ны ерөнхийлөгч Н.Түвшинбаяр үүрэгт ажилдаа орохоо мэдэгдэж, сайтын нууцлалыг өөрчилж, ОУОХ-нд ажлаа үргэлжлүүлэх хүсэлтэй байгаагаа илэрхийлсэн захидал илгээсэн аж.
6 cэтгэгдэлтэй