Э.Баярчулуун: Яармагийн нүхэн гарцыг 6.7 сард эхлүүлэх байсан боловч бичиг баримт бүрдүүлсээр таарсан

2022-08-03 342 0

Яармаг орчимд шинэ суурьшлын бүс бий болж, орон сууцны барилгууд нэмэгдсээр байгаа. Суурьшлаа даган сургууль цэцэрлэгийн тоо ч нэмэгдсэн байна. Нүхэн гарц байгуулж буй орчимд л гэхэд тус бүрдээ 1000 гаруй сурагчтай дөрвөн сургууль бий. Энэ бүхнийг үндэслэн Хан-Уул дүүргийн ЗДТГ-ын захиалгаар “Туулын гүүр далай” ХХК нүхэн гарцын ажлыг хийж гүйцэтгэж эхлээд байна. Тус компанийн гүйцэтгэх захирал Э.Баярчулуун хэлэхдээ:

“Нүхэн гарцын бүтээн байгуулалтын бэлтгэл ажлаа хангаж, зам сэтлэх зөвшөөрлөө Тээврийн цагдаагийн газраас наймдугаар сарын 1-ний өдөр авсан. Энэхүү бүтээн байгуулалтын ажлыг аль болох түргэн шуурхай хийж гүйцэтгэх үүднээс бид хоёр ээлжээр, амралтгүй ажиллаж байгаа. Өчигдөр шөнө л гэхэд бид 1200 куб метр шороог ухаж гаргасан, 220 куб метр хайргыг дэвсэж нягтруулаад бетон цутгасан. Цутгасан бетоноо хатааж байж дараагийн ажлууд хийгддэг онцлогтой” хэмээлээ.

Түүнчлэн “Иргэдийн хувьд бүтээн байгуулалтын ажлыг оройтож эхлүүлсэн юм биш үү гэж их шүүмжилж байгаа. Эрт эхлүүлэх боломж байгаагүй юү. Ажил хэзээ дуусах вэ?” гэсэн асуултад, “Хавар эрт ажлаа эхлүүлэхээр тохиролцсон боловч LRT хөнгөн галт тэрэгний төсөлтэй уялдуулах үүднээс 4,5 дугаар сард ажил эхлүүлж амжаагүй. Зургаа, долоодугаар сард бичиг баримтын бүрдүүлэлт, технологийн шийдэл, зам сэтлэх зөвшөөрөл зэргийг гүйцэлдүүлж байгаад наймдугаар сарын 1-ээс ажлаа эхлүүлсэн. Замыг наймдугаар сарын 21-ний 00 цагт нээх төлөвлөгөөтэй ажиллаж байгаа. Нүхэн гарц бүхэлдээ есдүгээр сард ашиглалтад орно” гэлээ.

LIKE дарж нэгдээрэй !!!

Холбоотой мэдээ

Монгол Улсын Ерөнхийлөгч У.Хүрэлсүх ШХАБ-ын дээд түвшний уулзалтад оролцоно

Монгол Улсын Ерөнхийлөгч Ухнаагийн Хүрэлсүх Бүгд Найрамдах Казахстан Улсын Астана хотноо 2024 он

2024-07-02

Өгий нуурыг хамгаалах цогц ажил эхэллээ

Монгол Улсын Ерөнхийлөгч Ухнаагийн Хүрэлсүхийн санаачилгаар Архангай аймгийн Өгий нуурыг хамгаалах ц

2024-06-05

ӨМНӨГОВЬ: Үйлдвэрлэл технологийн парк байгуулагдаж байна

Өмнөговь аймгийн төвөөс урагш 100 га талбайд байрлах Үйлдвэр технологийн парк нь захиргаа, олон нийт

2024-06-04