Үндэсний статистикийн хорооноос тооцсоноор 2021 оны сүүлийн сард инфляц 13.4 хувь Улаанбаатар хотод 14.8 хувьтай гарсан байна.
Үнийн өсөлтөд хамгийн их жин дарсан буюу 26 хувийг хүнсний бараа, бүтээгдэхүүний үнэ эзэлжээ.
Тодруулбал,
- Хүнсний бараа, ундаа, усны бүлгийн үнэ дүнгээрээ 20.4 хувь өссөний дотор
- мах, махан бүтээгдэхүүн 24.2 хувь
- согтууруулах бус ундааны дэд бүлгийн үнэ 11.9 хувь
- согтууруулах ундаа, тамхины бүлгийн үнэ дүнгээрээ 6.9 хувь
- хувцас, бөс бараа, гутлын бүлгийн үнэ дүнгээрээ 6.6 хувь
- орон сууц, ус, цахилгаан, хийн болон бусад түлшний бүлгийн үнэ дүнгээрээ 15.3 хувь
- эм тариа, эмнэлгийн үйлчилгээний бүлгийн үнэ дүнгээрээ 7.5 хувь
- тээврийн бүлгийн үнэ дүнгээрээ 21.6 хувиар тус тус өссөн нь голлон нөлөөлсөн байна.
Өөрөөр хэлбэл, инфляц 13.4 хувь гарсны 5.6 нэгж хувь буюу 41.8% нь хүнсний бараа, ундаа, усны бүлгийн үнийн өсөлтөөс шалтгаалжээ.
Улаанбаатар хотод л гэхэд
- хүнсний бүтээгдэхүүний үнэ 22.4 хувь өссөн бол
- тээврийн үнэ 21 хувь
- согтууруулах ундаа, тамхины бүлгийн үнэ 7.9 хувь
- эм тариа, эмнэлгийн үйлчилгээний бүлгийн үнэ 8.5 хувь
- орон сууц, ус, цахилгаан, хийн болон бусад түлшний бүлгийн үнэ 20.1 хувь
- зочид буудал, нийтийн хоол, дотуур байрны үйлчилгээний үнэ 22.4 хувь тус тус өсжээ.
Ийнхүү өргөн хэрэглээний бараа, бүтээгдэхүүний үнийн өсөлт 2022 оны дунд үе хүртэл 12 хувьд хүрээд эргээд бууна гэсэн Монголбанкны төсөөлөл он гарч амжаагүй байхад давав.
LIKE дарж нэгдээрэй !!!
0 cэтгэгдэлтэй