Монгол Улс болон ОХУ-ын Батлан хамгаалах яамны лого бүхий “Сайн дурын цэрэг татлага” нэртэй зарлал цахим хуудаснаа гарч, олны анхаарлыг татаад байна. Тус зарлалд ОХУ-ын Донецк, Луганскийн БНУ-д явуулж буй цэргийн тусгай ажиллагаанд Монгол Улсын 18-45 насны эрчүүдийг гэрээт цэргийн албанд бүртгэж байна гэжээ. Гэвч энэ нь ямар ч үндэслэлгүй, хуурамч мэдээлэл болохыг Батлан хамгаалах яамнаас мэдэгдлээ.
БХЯ-ны Ерөнхий хянан шалгагч, Бригадын генерал Ж.Болдбаатар “Энэ мэдээлэл нь худал. Бид ОХУ-ын Элчин сайдын яамны цэргийн атташе руу холбогдож тодруулахад ор үндэсгүй мэдээлэл гэдгийг хэлсэн. Хуурамч мэдээлэл гарсантай холбогдуулан хууль, хяналтын байгууллагад хандлаа. Энэхүү хуурамч мэдээлэл нь үндэсний аюулгүй байдалд нөлөөлөх мэдээлэл юм. Уг мэдээлэл хаанаас гарсныг тагнуул, хууль хяналтын байгууллага шалгаж олно” гэлээ.
0 cэтгэгдэлтэй