“Цагаан хад” боомт ТЭГ зогсолт хийлээ

Цагаан хаданд коронавирусийн халдвар өдөрт  10-аас дээш бүртгэгдэж байгаа нь ТЭГ зогсолт хийхэд хүрчээ. Улмаар батлагдсан тохиолдлуудыг Улаанбаатар болон Өмнөговь аймгийн төвд эмчилж байгааг албанынхан хэллээ. Түүнчлэн тэг зогсолтын үеэр эхний ээлжинд 4000-5000 жолоочийг Улаанбаатар болон орон нутаг руу нь буцаах ажлыг зохион байгуулж байгаа юм.

ТЭГ зогсолтын хугацаанд тухайн бүсэд ариутгал халдваргүйлт, тандалтын шинжилгээ хийгдэх гэнэ. Тус боомтод Цагдаагийн 32 алба хаагч, Дотоодын цэргийн 26 алба хаагч, Онцгой байдлын 5 алба хаагч, хилийн цэргийн 8 алба хаагч, нийт 70 алба хаагч, 18 тээврийн хэрэгсэлтэй үүрэг гүйцэтгэж байгаа аж. Мөн Өмнөговь аймгийн Засаг даргын орлогч Н.Энхбатаар ахлуулсан ажлын хэсэг байгуулагдан ажиллаж байна.