Нийслэлийн Засаг даргын 2019 оны А/397 тоот захирамжаар байгуулагдсан үнэлгээний хороо нь 2022 онд дүгнэлт гаргаж үүн дээр үндэслэн ашиглалтын шаардлага нь хангахгүй болсон нийтийн зориулалттай орон сууцнуудын барилгыг буулгах, шинээр барилга барих ажлын гүйцэтгэгчээр шалгарсан компаниудад Нийслэлийн засаг даргын захирамж, төсөл хэрэгжүүлэх батламжийг гардуулсан байна.
Дээрх компаниудад жүжигчин Аглуу буюу МУГЖ Л.Баттулгын хувь эзэмшдэг “Монтекарло голд” ХХК шалгарчээ. Уг компани нь 2011 онд байгуулагдаж байсан бөгөөд нийт 3 хувьцаа эзэмшигчтэй аж.
Л.Баттулгаас гадна Ц.Ганзориг, А.Дөлбаяр нар хамтран эзэмшдэг. “Монтекарло Голд” компаний өмнөх хувьцаа эзэмшигч нь Д.Ариунтуяа гэх иргэн байсан бөгөөд дараа нь хасагдсан байгаа юм. Өөрөөр хэлбэл энэ компанийг дээрх гурван эрхэм 2021 онд шилжүүлж авсан ба тус оны найман сард УБЕГ-т хувьцаа эзэмшигчээр бүртгэж авсан аж.
0 cэтгэгдэлтэй