14 мега төслийн хүрээнд “Цагаан бургастай-Онги” усан цогцолбор, Улаан нуурыг сэргээх экологийн төслийн нээлтийн ёслол болж, Говийн болон Хангайн бүсээс сонгогдсон УИХ-ын гишүүд, Говийн бүсийн аймгуудын засаг дарга нар хамтран санамж бичиг байгуулсан.
УИХ-ын гишүүн Н.Наранбаатар: Өнөөдөр олон жил яригдсан Орхон-Онги төслийн эхлэл болох Цагаан бургастай-Онги усан цогцолборыг байгуулах төслийн нээлт болж, түүхэн өдөр боллоо.
Төсөл хэрэгжсэнээр урсацын тохируулагатай 65 сая.м3 эзэлхүүнтэй усан сан үүсгэж, стандартын шаардлага хангасан усны хүртээмж нэмэгдэж, иргэдийн эрүүл мэнд, амьдралын чанар сайжирна. Улаан нуур сэргэснээр Сибирь рүү нүүдэллэдэг олон төрлийн усны шувуудын амьдрах орчин хамгаалагдана гэж үзэж байгаа юм. Ундны усыг хэрэглэж эхэлсэнээр бүс нутгийн хүн амын дундах халдварт өвчлөл 40 хувиар буурч, дундаж наслалт 6 жилээр уртасах боломжтой. Төслийг хэрэгжүүлэх явцад 1000 гаруй хүн ажлын байраар хангагдаж цаашид байнгын 130 ажлын байр шинээр бий болно. Бүс нутгийн хэмжээнд 30 гаруй мянган хүн ам, 230 орчим мянган мал аж ахуй, газар тариалан, усаар хангагдаж, үр өгөөжтэй газар тариалан эрхлэх, аялал жуулчлал хөгжих шинэ экологи, нийгмийн ногоон дэд бүтэц бий болно.
0 cэтгэгдэлтэй