“Монгол наадам цогцолбор” ОНӨТҮГ-ын дарга С.Сайнбаяр “Монголын Дугуйн холбоо”-ны төлөөллийг хүлээн авч уулзлаа. Уулзалтад Монголын дугуйн холбооны Ерөнхий нарийн бичгийн дарга З.Наран, “Нүүдэлчин унадаг дугуйн холбоо”-ны тэргүүн Б.Ялалт, Удирдах зөвлөлийн гишүүн Б.Наранбаатар нар оролцлоо.
“Монгол наадам цогцолбор” нь байгуулагдсан цагаасаа эхлэн дугуйн спортыг хөгжүүлэхэд хувь нэмрээ оруулсаар ирсэн бөгөөд энэ хүрээнд “Монголын дугуйн холбоо”-той 2014 оноос хойш хамтран үйл ажиллагааг нь дэмжин ажиллаж байна.
“Монголын дугуйн холбоо”-ны зүгээс тамирчдын аюулгүй байдлыг харгалзан хамгийн аюулгүй, дугуйчдад тохиромжтой замтай учраас Хүй долоо худагт уралдаан тэмцээнээ зохион байгуулдагаа уулзалтын үеэр илэрхийллээ.
Энэ жил тус холбооноос 36 тэмцээн уралдаан зохион байгуулахаар төлөвлөсөн бөгөөд энэ сарын 13 нд “Морь хурдан уу Дугуй хурдан уу” уулын дугуйн уламжлалт тэмцээнийг Монгол наадам цогцолбортой хамтран Хүй долоо худагт зохион байгуулна. Нийт тамирчид 25 км замыг туулан барианд орох юм. “Монголын дугуйн холбоо” нь 1959 онд байгууллагдсан бөгөөд 10 мянган гишүүн 17 салбар хороо, 40 клубтэйгээр үйл ажиллагаагаа явуулж байна.
0 cэтгэгдэлтэй