Нийслэлийн 97 дугаар сургуулийн нэгэн багш сурагчаа зодож буй үйлдэл нь бичлэгээр тогтоогдож, цахим орчинд нэлээд шуугиан тариад буй. Өчигдөр тус сургуулийн ёс зүйн зөвлөлөөс хуралдаж, Л.Цэрэнбадам багшийг ажлаас нь чөлөөлөх дүгнэлт гаргасан байна. Харин хурал эхлэхээс өмнө Л.Цэрэнбадам багш өөрийн хүсэлтээр ажлаас чөлөөлөх хүсэлтээ өгчээ.
Эх сурвалжуудын мэдээлж буйгаар Л.Цэрэнбадам багш ажлаас чөлөөлөгдөх хүсэлтээ өгөөд гарч явахдаа бие нь муудаж, ухаан алдаж унасан тухай мэдээлэл байгаа юм.
Нийгэмд өрнөөд буй хэргийг эргэн сануулахад, 97-р сургуулийн бага ангийн багш Л.Цэрэнбадам сурагчаа “муухай бичлээ” хэмээн биед нь халдсан гэж өөрөө тайлбар хийсэн. Үүний дагуу сургуулийн ёс зүйн зөвлөл хуралдаж, тухайн багш нь багшийн ёс зүйн зөрчил гаргасан хэмээн үүрэгт ажлаас нь чөлөөлөх дүгнэлт гаргаад байгаа юм.
LIKE дарж нэгдээрэй !!!
4 cэтгэгдэлтэй