Боловсрол, шинжлэх ухааны яамнаас хийсэн сурагчдын хичээл хоцрогдлын үнэлгээний дүнг өнөөдөр танилцуулж байна.
БШУ-ны сайд Л.Энх-Амгалан: “Хичээлийн хоцрогдол бол цар тахлаас өмнө байсан болон дараа нь үүссэн хоцрогдол гэж хоёр хувааж болохоор байгаа. Танхимын бус сургалтад хамрагдсан хүүхдүүдийн 23 хувь нь дэд бүтэцтэй холбоотой асуудлууд тулгарсан. Судалгаанаас харахад хүүхдийн сургууль завсардалт сүүлийн хоёр жилд маш их нэмэгдсэн байна. Өнөөдрийн байдлаар Монгол Улсын хэмжээнд 2000 орчим хүүхэд сургууль завсардах эрсдэл нүүрлэсэн байна. Сургууль завсардаж буй тоо хэмжээ 2018, 2019 онтой харьцуулахад 60 орчим хувиар өссөн. Энэ тоо цаашид ч нэмэгдэх магадлалтай. Тиймээс нэг ч хүүхдийг сургууль завсардуулахгүй байх боломжийг хангаж ажиллаж байгаа” гэв.
0 cэтгэгдэлтэй