Казахстан улсад Монгол Улсын нийт 4200 орчим иргэн ажиллаж, амьдарч байгаа гэсэн бүртгэл бий. Тус улсад болж буй үймээнтэй холбоотойгоор одоогоо Монгол Улсын иргэн халдлагад өртсөн тухай мэдээлэл ирээгүй байгаа юм.
Харин Казахстан улсын Алматы хотод байнгын оршин суудаг Монгол Улсын иргэн Д нэгдүгээр сарын 4-нд сураггүй алга болсон талаар гэр бүлийнхэн нь мэдээлсэн аж. Түүнийг тус хотод болж буй жагсаалд оролцсон эсэх хэрхэн эрэн хайж байгаа эсэх талаар Гадаад харилцааны яамнаас мэдээлэл өгсөн.
Тэрбээр “Казахстан улсын Алматы хотод байнгын оршин суудаг Монгол Улсын иргэн Д нь нэгдүгээр сарын 4-ний өдөр гэрээсээ гараад одоог хүртэл гэртээ ирээгүй талаар Казакстаны Нурсултан дахь ЭСЯ болон Алматы хотын Консулын газарт гэр бүлээс нь мэдээлсэн. Үүнтэй холбоотойгоор Казахстаны холбогдох байгууллагуудад алга болсон иргэний мэдээллийг тодруулж өгөх хүсэлтийг тавьсан. Одоогоор эрлийн ажлын үр дүн гараагүй. Тус иргэн Алматыд болж байгаа жагсаалд оролцсон эсэхийг гэр бүлийнхэн нь ч мэдэхгүй байна. Холбогдох газруудаас алга болсон гэх иргэний мэдээллийг шүүлгэж байна” гэжээ.
0 cэтгэгдэлтэй