Мэдэгдэл
Хэвлэл мждээлэл, олон нийтийн сүлжээгээр “Ардчилсан нам Америкийн лобби компанитай 50 мянган долларын гэрээ хийсэн” тухай мэдээлэл гарсантай холбогдуулан Ардчилсан намын зүгээс гадны ямар ч лобби компанитай гэрээ хийгээгүй болохыг албан ёсоор мэдэгдэж байна.
УИХ-гишүүн Ц.Тувааны нэр, гарын үсэгтэй хийгдсэн гэрээ гэх баримтыг Арчилсан нам байгуулсан гэж шууд хамаатуулан мэдээлж байгаа нь бодит байдлыг нягтлаагүйгээр, Ардчилсан намын нэр хүндэд халдсан болчимгүй, хуумгай үйлдэл болж байна.
Нэгдүгээрт, УИХ-гишүүн Ц.Туваан нь Ардчилсан намын дарга биш бөгөөд, Ардчилсан намыг төлөөлөх эрх бүхий албан тушаалтан биш болно.
Хоёрдугаарт, Ардчилсан нам ийм төрлийн ямар ч гэрээ байгуулаагүй бөгөөд, намын нэрийг барьсан зарим этгээдийн хийсэн үйлдэл байж болох тул, цаашид тус намтай хобоотой аливаа байр суурь илэрхийлэх, мэдээлэл хийхдээ Ардчилсан намаас албан ёсоор тодруулга авч байхыг нийт хэвлэл мэдээллийнхнээс хүсч байна.
Мэдээлэлд дурьдсан гэрээний үйлчилгээ авч дуусах хугацаа нь удахгүй болох Монгол Улсын Ерөнхийлөгчийн сонгуулийн сурталчилгааны дуусах хугацаатай давхцаж, эхлэх хугацаа нь хуулийн хугацаанаас хамаагүй эрт эхлэхээр хийгдсэн байгааг эрх баригчид онцгой анхаарч , ялангуяа 50 мянган доллараар зөвлөх үйлчилгээ авах ажлаас гадна хэвлэл мэдээллийг худалдан авахад 100 мянган хүртэлх долларыг зарцуулна гэж заагдсан асуудалд хяналт тавьж, гадны лобби байгууллагын оролцоотой үйл ажиллагааг таслан зогсоох арга хэмжээ авахыг хатуу анхааруулж байна.
Ардчилсан намаас цаашид намын нэр барьсан бүлэг этгээдүүдийн энэ мэт үйлдлүүдийг хууль хяналтын байгууллагад хандан шалгуулах болно.
LIKE дарж нэгдээрэй !!!
0 cэтгэгдэлтэй