Орхон аймгийн ИТХ-ын ээлжит бус I хуралдаанаар 2025 онд ойгоос бэлтгэх модны дээд хэмжээг хэлэлцэж баталлаа. Ойгоос бэлтгэсэн модны судалгааг сүүлийн гурван жилээр авч үзвэл 2022 онд 170 га талбайгаас 2377 метр куб, 2023 онд 108 га талбайгаас 600 метр куб, 2024 онд 160 га талбайгаас 900 метр куб мод бэлтгэсэн.
2025 онд 250 га талбайгаас хэрэглээний 100 метр куб, түлээний 800 метр куб мод бэлтгэнэ.
Орхон аймаг нийт хэрэгцээнийхээ модны 10 хувийг зэргэлдээх Булган аймгийн сумдаас бүрдүүлэг. Тухайн жилд бэлтгэх модны нөөцийг хоёр аймгийн Засаг даргын хамтын ажиллагааны гэрээнд тусгадаг байна.
Гэр хорооллын 13985 өрхтэйгөөс монгол гэрт 3449, хувийн сууцанд 10158 өрх амьдарч байна. Аймгийн нэг өдрийн түлээний модны хэрэгцээ 262.1 метр куб, нэг өрхийн жилийн түлээний модны хэрэгцээ 3.9 метр куб.
Хөвсгөл аймгийн зарим сумдаас түлээний модны нөөц бүрдүүлэхээр ажиллаж байна гэж Баян-Өндөр сумаас мэдээллээ.
0 cэтгэгдэлтэй