Зайсангийн зүүн гүүрийг хааж, буулгах ажлыг эхлүүлээд удаагүй билээ. Тэгвэл өнөөдрийн байдлаар хуучин гүүрийг буулгах ажил болон шинэ гүүрний шон, суурь цутгах, арматур бэлтгэх ажил үргэлжилж байна. Мэргэжилтнүүдийн хэлж буйгаар, хуучин гүүрийг буулгаж дуусаад, газрын түвшнээс доош 17 метр гүнд шинээр шон суурийг байрлуулах аж. Шинэ гүүрний үйлдвэрт цутгасан дам нурууг тээвэрлэх ажлыг энэ долоо хоногт эхлүүлэх юм. Улмаар ирэх зургаадугаар сард хөдөлгөөнийг нээхээр төлөвлөжээ.
Зайсангийн хуучин гүүрийг 57 жилийн өмнө анх ашиглалтад оруулсан. Үүнээс хойш засвар, шинэчлэлт огт хийгээгүй бөгөөд 2012 онд ашиглалтын түвшин D үнэлгээнээс бага, хэзээ ч нурж магадгүй гэх дүгнэлтийг мэргэжилтнүүд гаргасан билээ. Иймээс 2022 оноос эхлэн Зайсангийн гүүрийг 225 метр, дөрвөн эгнээ бүхий төмөрбетон хос гүүрээр шинэчлэх, өргөтгөх ажлыг эхлүүлсэн. Улмаар Баруун гүүрийг хөдөлгөөнийг 2023 оны есдүгээр сард нээсэн юм.
0 cэтгэгдэлтэй