“Эрэл”-ийн Б.Эрдэнэбат нь өөрийн эзэмшлийн газар нэрийн дор улсын ажлыг уяж, газар чөлөөлөхөөр очсон ажилчдын машин техникийг хааж зогсох зэрэг авир гарган замын ажлыг хоёр жил гацааж байгаа аж.
Улмаар, Наадамчдын гудамжнаас баруун үйлдвэрийн гудамж хүртэлх буюу бидний хэлж заншсанаар Мишээлийн уулзвараас Говийн зам хүртэлх замын ажил эхлээд хоёр жилийн хугацаа өнгөрсөн ч өнөөдрийг хүртэл ашиглалтад ороогүй байна.
Учир нь “Эрэл” ХХК-ий үйлдвэрийн байрны хойгуур буюу хуучин төмөр зам байсан хэсгээр 1,2 км зам тавих ёстой ч тус компанийхан тухайн төмөр замыг өөрсдийн материалаа татахад ашигладаг гэх тайлбарыг өгч, газрыг нь чөлөөлөхгүй байсаар ийнхүү өнөөдөр тус замын ажил зогсонги байдалд оржээ.
Тус замын барилгын ажлыг “Тотал Инж” ХХК гүйцэтгэж байгаа бөгөөд өнөөдрийн байдлаар газар чөлөөлөлт хийгдсэн хэсэгт буюу гүүрийн ажил болон 760 метр замын ажлыг бүрэн хийж дуусгажээ.
Эх сурвалж: https://www.arslan.mn/social/news/656246.shtml
0 cэтгэгдэлтэй