УОК-оос 11:00 цагт цас, зудын нөхцөл байдлын талаар мэдээлэл хийхээр болжээ. Мөн үеэр Дүнжингаравын уулзварт болсон дэлбэрэлтийн дүгнэлтийн явц болон шатахуун түгээх станцуудад хийсэн хяналт шалгалтын талаар мэдээлэл өгөх юм байна.
Дүнжингаравын уулзварт нэгдүгээр сарын 23-24-нд шилжих шөнө газ тээвэрлэж явсан машин суудлын тэрэгтэй мөргөлдөж, ослын улмаас дэлбэрэлт үүссэн. Улмаар ойролцоох 60 айлын орон сууц галд өртөж, онцгой байдлын хоёр алба хаагч амиа алдсан харамсалтай осол гарсан юм.
Ослын шалтгааныг урьдчилсан байдлаар “Байгалийн шингэрүүлсэн хий тээвэрлэж явсан автомашин тойрог дээр хөдөлгөөн үйлдэх явцдаа зай анзаарахгүйгээр давхар эргэж, суудлын автомашинтай мөргөлдсөнөөр ёмкость их хэмжээний галын шаталт үүсэж дэлбэрсэн байна” гэж дүгнэж байгаагаа Онцгой Байдлын Ерөнхий Газар(ОБЕГ)-ын дарга, бригадын генерал Г.Ариунбуян мэдэгдсэн.
LIKE дарж нэгдээрэй !!!
0 cэтгэгдэлтэй