УИХ-ын Төсвийн байнгын хорооны хуралдаанаар Аж ахуйн нэгжийн орлогын албан татварын тухай болон Гаалийн тариф, татварын тухай хуулийн төслийг хэлэлцэж байна.
Энэ үеэр Эрчим хүчний сайд Б.Чойжилсүрэн: Өмнөх долоо хоног ОХУ-д ажиллаад ирлээ. Монголоор дамжуулан тавигдах хийн хоолойн асуудлаар тодорхой хэмжээний мэдээлэл авсан. ОХУ, БНХАУ хоёр хоорондоо хэлэлцээ хийж байгаа юм байна. Манайх гэрээг энэ ондоо багтаан хийж магадгүй. Хэрэв гэрээлэчихвэл 2024 онд багтааж газын хоолой барих ажлыг эхлүүлнэ. 5,800 километр хоолойг барьж байгуулахад хамгийн багадаа дөрвөн жил орчим хугацаа зарцуулна. Тэгэхээр манай улс 2029 оноос нааш хямд газтай болохгүй. Худлаа ярьж, ард түмэнд боломжгүй зүйл амлахаа болъё гэж бодож байгаа. Цаашид Газад шилжихгүй бол бид нүүрсээ түлэхээс өөр арга байхгүй” гэлээ.
0 cэтгэгдэлтэй