Засгийн газраас боловсруулсан Үндсэн хуулийн нэмэлт, өөрчлөлтийн төслийг өчигдөр ЗГХЭГ-ын дарга Д.Амарбаясгалан УИХ-ын дарга Г.Занданшатарт өргөн мэдүүллээ.
Хуулийн төслийг МАН-ын бүлэг дэмжиж, ирэх зургадугаар сарын 20-ноос өмнө өөрчлөлтийг хийх нь зүйтэй гэж үзжээ. Харин АН хуулийн зарим заалт дээр зарчмын зөрүүтэй санал гаргасан бол ХҮН-ынхан яаралтай өөрчлөн баталъя гэдэг байр суурьтай байна.
Энэ үеэр Д.Амарбаясгалан: “Засгийн Газар Үндсэн хуулинд нэмэлт өөрчлөлт оруулах төслийг өргөн мэдүүллээ. Иргэдээс хоёр түвшний санал асуулгыг зохион байгуулсан. Нэгдүгээрт, Засгийн Газрын цахим хуудсууд, шуудангаар санал авсан. Мөн орон нутагт 6 баг ажиллаж, давхардсан тоогоор 6 мянга орчим иргэнтэй уулзаж, 4300 орчим саналын хуудсаар санал авсан. Иргэдийн зүгээс УИХ-ын гишүүдийн тоог нэмэхийг ерөнхий байдлаар дэмжиж байгаа. Яг 152 байх эсэх дээр бол хоёр хуваагдсан байдалтай байна ” гэв.
0 cэтгэгдэлтэй