С.Зориг агсны амийг хөнөөсөн хэрэгт буруутгагдан гурван шатны шүүхээс ял авсан Т.Чимгээ, Б.Содномдаржаа нарын хэргийг хэрэгсэхгүй болсон талаар прокурорын байгууллагаас мэдээлэл хийсэн.
Энэ асуудлаар ТЕГ-ын дарга асан Б.Хурц News.mn сайтад байр сууриа илэрхийлжээ.
Тэрбээр, “Ж.Батзандан, Ц.Нямдорж хоёр 2017 оны аравдугаар сард ээлжилж гарч ирээд “Б.Хурцыг ажлаас нь хусахад хоёр долоо хоногийн дараа хэргийн захиалагчийг зарлана” гэсэн биз. Өнөөдөр хэдэн он билээ, захиалагч нь хаана байгаа юм. Ц.Нямдорж гэж хүнийг сайд байхад цагдаа, шүүхийн шийдвэрийг гүйцэтгэх байгууллагад эрүүдэн шүүлт гэдэг юм аюултай байсан. Болж байгаа үйл явдалд Нямдорж өөрөө гарч ирж байгаа нь улс төрийн хэрэг. Улс төрийн хэрэг нь тодорхой болчихлоо. Болоогүй, бүх юмны эхлэл ч байж магадгүй. Ц.Нямдорж МАН-ын удирдлагыг шантаажилж Зоригийн хэргийг хэрэгсэхгүй болгох зүйл рүү түлхсэн байх гэж би хардаж байна. Эрүү шүүлт хийх гэж өөрөө сандал авч ирж байсан хүн бол Нямдорж” хэмээн ярьжээ.
0 cэтгэгдэлтэй