“IHC” койн худалдан авч хохирсон гэх иргэн их хэмжээний мөнгөө залилуулж, өөрсдийн автомашин, орон байраа алдсан гэх бусад хохирогч нарыг төлөөлөн олон нийтэд хандав.
Тэрбээр “2022 оны 10 дугаар сараас эхлээд IHC койнд нэгдсэн. Анх хашаа байшингаа зарж, цалингийн зээл хүртэл аваад энэ зах зээлд орсон. Койн авснаас хойш өдөр болгон л унаж байсан. Одоогийн байдлаар би 140 гаруй сая төгрөгөөр хохирч хоёр сая болтлоо унасан учраас цагдаагийн байгууллагад хандаад байгаа. IHC койныг гаргасан О.Мөнхжин өдөр болгон стори хийгээд унахгүй шүү гээд л сонирхол төрүүлээд, итгүүлээд байсан. Тэр болгонд нь итгээд койны ханш нь унаад байсан ч итгэсээр өнөөдрийг хүрлээ. Намайг хэн нэгэн хүчлээгүй. Гурван хүнтэй уулзахад хоёр нь койн аваад мөнгөө алдчихсан гэж байна. Тиймээс цагдаагийн байгууллага үүнийг шалгаж өгөөч гэж хүсье” гэв.
0 cэтгэгдэлтэй