АН-ын дарга С.Эрдэнэ болон бусад удирдлагууд цаг үеийн асуудлаар мэдээлэл хийлээ.
Энэ үеэр АН-ын дарга С.Эрдэнэ ” “Х.Баттулга гэдэг хүн АН-аас нэр дэвшиж, Монгол Улсын ерөнхийлөгчөөр сонгогдон дөрвөн жил ажилласан. Хуулиар төрийн тэргүүн тухайн нэр дэвшсэн намаасаа түдгэлздэг. Бүрэн эрхийн хугацаа дууссаны дараа тухайн улс төрийн намд хандаж, албан ёсоор өргөдөл хүсэлтээ гаргаж, намын гишүүнчлэлээ сэргээдэг. Харамсалтай нь Х.Баттулга гэдэг хүн өнөөдрийг хүртэл АН-д гишүүнээр элсэх хүсэлтээ албан ёсоор ирүүлээгүй. Нийгэмд үүсээд буй аливаа хямрал, асуудалд тухайн цаг үеийн эрх баригч хариуцлага хүлээх ёстой ч өөрсдийн алдааг Ардчилсан намд тохох гэж оролддог ба бид үүнд хүлээцтэй, тэвчээртэй байсаар ирсэн ч одоо дуугүй суухгүй. 1990-ээд оноос хойш манай нам хэзээ ч олонх болж, эрх барьж үзээгүй ч ач холбогдолтой шийдвэр гаргаж, арга хэмжээг авч өөрчлөлт, бүтээн байгуулалтыг хийж чадсан.” гэв.
0 cэтгэгдэлтэй