Ардчилсан Намын даргыг сонгох сонгуулийн санал хураалт дөрөвдүгээр сарын 3-нд орон даяар болж өндөрлөсөн. Санал хураалтад 117 мянга гаруй гишүүн оролцсноос 103 мянга гаруй нь Ерөнхийлөгч асан Х.Баттулгад санал өгч, 96.3 хувийн саналаар ялалт байгуулсан.
Сонгуулийн саналын хуудаст УИХ-ын гишүүн Ж.Батсуурь, Ерөнхийлөгч асан Х.Баттулга нарын нэр бичигдсэн байна. Учир нь УИХ-ын гишүүн Ж.Батсуурь санал хураалт болохоос нэгхэн хоногийн өмнө нэрээ татаж буйгаа мэдэгдсэн. Тиймээс дүрмийн дагуу ийнхүү нэр нь бичигдсэн байна.
Ингэснээр АН өнөөдрийн байдлаар С.Эрдэнэ. М.Тулгат, Х.Цогтгэрэл, Х.Баттулга гэсэн дөрвөн даргатай болж байна. Харин яг хэн нь хууль ёсны жинхэнэ дарга вэ гэдэг нь тодорхойгүй байгаа юм.
Эргэн сануулахад, өнгөрсөн жилийн яг өдийд АН хоёр талд уламжлалт болон цахим сонгууль явуулж АН-ын даргын үүргийг түр орлон гүйцэтгэгч Ц.Туваан УИХ-ын гишүүн О.Цогтгэрэлийг, АН-ын дарга С.Эрдэнэ НИТХ-ын төлөөлөгч М.Тулгатыг дарга болгосноо зарлаж байв. Үүнээс хойш О.Цогтгэрэл, М.Тулгат нарын хэн нь ч албан ёсны дарга болж чадахгүй байсаар өнөөдрийг хүрсэн билээ.
LIKE дарж нэгдээрэй !!!
0 cэтгэгдэлтэй