Хоёр хуваагдаж, талцаад байсан АН-аас хэвлэлийн хурал хийх үеэрээ эв нэгдэлтэй болж байгаагаа мэдэгдсэн. Тэрбээр эв нэгдлийн их хурлаа албан ёсоор хийх бөгөөд 11 дүгээр сарын таванд буюу их эзэн Чингис хааны төрсөн өдөр өвлийн тэргүүн сарын шинийн нэгэнд товлосноо дуулгалаа. Хэвлэлийн хурлын үеэр АН-ын анхны дарга Э.Бат-Үүл Улсын баатрын тэмдгээ АН-ын туганд зүүж, үнэмлэхийг нь хүлээлгэж өгсөн юм.
Э.Бат-Үүл: “Монголын ардчилсан нам Монголын түүхэнд алтан үсгээр бичигдэх нам. Монголын ард түмнийг эрх, эрх чөлөөтэй болгосон түүхэн гавьяатай нам. 2009 онд Ерөнхийлөгчийн зарлиг гарч, АН-ын түүхэн гавьяаг үнэлж хүндэтгэх зорилгоор баатрын цолыг надад өгсөн. Ерөнхийлөгч “Энэ бол чамд өгч байгаа юм биш. Монголын ардчилсан намын гавьяаг үнэлж өгч байгаа” гэсэн. Би энэ тэмдгээ АН-ынхаа туганд зүүж өгье. Эзэнд нь өгье гэж шийдсэн.Би Ц.Элбэгдорж, Х.Баттулга, Н.Алтанхуяг, С.Эрдэнэ, М.Энхсайхан нарыгаа АН-даа эргэж ирээч гэж хүсч байна” гэв.
LIKE дарж нэгдээрэй !!!
16 cэтгэгдэлтэй