Хан-Уул дүүргийн Яармаг дахь Нийслэлийн төр захиргааны шинэ байранд коронавирусийн халдвар авсан өвчтөнүүдийг хүлээн авах зорилгоор 145 ор дэлгэхээр болсон талаар өчигдөр мэдээлсэн.
Тэгвэл хотын захиргааны байранд 145 орыг дэлгэсэн бөгөөд анхан шатны тусламж үзүүлэх хүчилтөрөгчийн аппаратуудыг хүргэжээ. Бэлтгэл ажлыг өнөөдөртөө дуусгахаар төлөвлөж байгааг Нийслэлийн Засаг дарга Д.Сумъяабазар өөрийн албан ёсны хуудастаа мэдээлсэн байна.
Тэрбээр өөрийн цахим хуудаст:
“Өнөөдөр Хан-Уул дүүрэг, Яармаг дахь Нийслэлийн төр захиргааны шинэ байранд ажиллаж байна.
Нийслэл Улаанбаатар хотод цар тахлын нөхцөл байдал хүндэрч, эмнэлгийн орны хүрэлцээ муу байгаа энэ цаг үед нийслэлийн төр захиргааны шинэ байрыг ковидын халдвар авсан иргэдэд үйлчлэх, анхан шатны тусламж үзүүлэх хүчилтөрөгчийн аппараттай нийт 148 ор дэлгээд байна. Өнөөдөр гэхэд бэлтгэл ажлыг хийж дуусгах төлөвлөгөөтэй ажиллаж байна. Шаардлагатай бол цаашид нэмж ор дэлгэх боломжтой. Маргааш өглөөнөөс өвчтөн авч эхэлнэ” гэж бичсэн аж.
LIKE дарж нэгдээрэй !!!
0 cэтгэгдэлтэй